സ്കൂൾ പ്രവേശനോത്സവത്തിന്‍റെ സംസ്ഥാനതല ഉദ്ഘാടനം ജൂൺ മൂന്നിന് കൊച്ചിയിൽ

സ്കൂൾ പ്രവേശനോത്സവത്തിന്‍റെ സംസ്ഥാനതല ഉദ്ഘാടനം ജൂൺ മൂന്നിന് കൊച്ചിയിൽ നടത്തും. രാവിലെ 9.30ന് എറണാകുളം എളമക്കര ഗവൺമെന്‍റ് ഹയർസെക്കൻഡറി സ്കൂളിൽ ചേരുന്ന യോഗം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. സ്‌കൂൾ പ്രവേശനവുമായി ബന്ധപ്പെട്ട് പൊതുവായ മാർഗനിർദേശം പൊതുവിദ്യാഭ്യാസ ഡയറക്ടർ എല്ലാ വിദ്യാഭ്യാസ ഓഫീസർമാർക്കും നൽകിയിട്ടുണ്ടെന്ന് മന്ത്രി വി.ശിവൻകുട്ടി പറഞ്ഞു. പ്രാദേശികാടിസ്ഥാനത്തിൽ സംസ്ഥാനത്തെ എല്ലാ സ്കൂളുകളിലും പ്രവേശനോത്സവം നടക്കും. സ്കൂൾ തുറക്കുന്നതിനു മുന്നോടിയായി എല്ലാ സ്കൂളുകളിലും നവീകരണ പ്രവർത്തനങ്ങൾ ആരംഭിച്ചു കഴിഞ്ഞു. വിദ്യാർഥികളുടെ സുരക്ഷയ്ക്ക് പ്രാധാന്യം നൽകണമെന്ന് മന്ത്രി വി.ശിവൻകുട്ടി നിർദേശം നൽകി